Rodés.

Adiu lo mond,

Ièr ai passat un moment agradiu a parlar de mon camin d'esritura amb mon amic Aubin Bonnet, Maria Joana Verny e un pauc de public a l'Estivada de Rodés. Per ieu es pas un exercici costumièr mas ai agut de plaser de o far. espèri, per los que son venguts, qu'avètz passat un brave moment...

A lèu.

dos jorns fòrça diferents.....

Ièr, ai passat un moment agradiu a la debuta de l'aprèp miègjorn a la pèsca sus Òlt, lo riu que passa aqui, davant de mon ostal. De trochas en caça, gaire de vent (per un còp), un temps un pauc caudmanias..tot çò que cal per se regalar a la pèsca a la mosca en seca. Fin finala, 3 polidas trochas e un moment mai que mai agradiu de passat....puèi tot ara, soi tornat a la pèsca. Un vent baug, de nivols negres, las trochas cavadas...res de far per las far montar, pas en seca nimai en nimfa al fial....

Fin finala se cal dire qu'es pas totjorn lo pescaire que ganha e que cada jorn es un pauc un desfis novèl !!!!!

pèsca...quin plaser

un tèxte mieu un pauc ancian.....

Beure
Ton còs
L’espèr
De ta votz
Pintrar
De mos dets
Lo buf
De tos uèlhs
Tròç
De vida
Moments raubats
T’ausir
E t’aimar
Plorar
E rire
Nos pantaissar
E crebar
Nos tocar
Per totjorn
Avançar
Cadun
Dins nòstras vidas
Caminar
De nòstras pèls
Lecar lo mèl
E dormir
Per oblidar.






Boire / ton corps / l’espoir / de ta voix / peindre / de mes doigts / le souffle / de tes yeux / morceau / de vie / moments volés / t’entendre / et t’aimer / pleurer / et rire / nous rêver / et mourir / nous toucher / pour toujours / avancer / chacun / au cœur de nos vies / cheminer / de nos peaux / lécher le miel / et dormir / pour oublier.

Lo net tornamai....e qualques trochas !!!

Amigas,amics,

Vaqui aprèp mai de tres meses de batèsta amb los tabaloris de France Telecom, vaqui lo net es arribat a l'ostal....serà adonc mai aisit per far viure aquel Camin descaminat....per l'ora, per vos far esperar encara un pauc vaqui qualques fotòs de trochas d'Òlt pescadas la setmana passada...mas que son totjorn dins l'aiga....

E totjorn pas de net a l'ostal

Amigas, amics de Camin Descaminat......

Totjorn pas de net per l'ora a l'ostal, es per aquo que mon Camin Descaminat es aquestes jorns plan silencios....n'en soi nafrat, mas normalament dins un parelh de setmanas tot aquo serà devengut normal...

Al plaser de vos retrobar lèu lèu, aqui per parlar de la nostra polida lenga occitana.

Amistats.

Estivada de Rodés

Lo divendre 24 de julhet a l'entorn de 15 oras, aurài lo plaser de rescontrar lo mond amb mon amic Aubin Bonnet dins l'encastre dels talhièrs poetics a l'Estivada de Rodés. Serà per ieu l'escasença de parlar de la dralha mieuna e d'escambiar un pauc sus la literatura nòstra... alara per los que seràn aqui lo 24, al plaser de vos rescontrar.